# Die Nasionale Gesamentlike Operasionele en Intelligensie-bevelstruktuur het omvattende sekuriteits- en operasionele planne ingestel om ‘n veilige en vreedsame kiesersregistrasienaweek te verseker. Die polisie se woordvoerder, Athlenda Mathe, sê uitgebreide ontplooiings is regoor die land beplan, met lede wat by kiesersregistrasiepunte, op strategiese roetes en by geïdentifiseerde brandpunte ontplooi is. Sy sê operasionele planne sluit […]
# Gholf: Die Amerikaner Wyndham Clark het ‘n gerieflike voorsprong van 7 onder baansyfer in die 126ste Amerikaanse Ope aan die begin van die derde ronde vandag. Clarke het die voorsprong in gister se tweede ronde teen die res van die spelers by die uitdagende Shinnecock Hills gholfklub opgebou. Die groep wat kort op sy […]
# Die IVP se nasionale uitvoerende komitee is tydens die kieserregistrasienaweek na verskeie kiesafdelings regoor die land ontplooi. IVP-woordvoerder, Mkhuleko Hlengwa, sê dit is deel van die party se pogings om kiesers te mobiliseer om te registreer en te verseker hul stemme word gehoor in die komende plaaslike regeringsverkiesing in November. Hy sê burgers speel […]
# Israel sê Hisbolla se skendings van die skietstaking en voortgesette aanvalle vereis voortdurende operasies in Suid-Libanon. ‘n Woordvoerder van die Israelse Weermag, Effie Defrin, sê hulle sal voortgaan om teen bedreigings op te tree, en doen wat nodig is om burgers te beskerm. Defrin sê vier Israelse soldate is dood. Hy het voorts gesê […]
# Die Instituut vir Bestuursontwikkeling en Produktiwiteit SA het aangekondig Suid-Afrika het sy posisie in die 2026 Wêreldmededingendheidsjaarboek verbeter en is tans 54ste uit 70 ekonomieë wat beoordeel is, vergeleke met 64ste in 2025. Produktiwiteit SA se statistikus, Juliet Mashabela, sê die verbetering dui op vordering in verskeie sleutelgebiede, insluitend regeringsdoeltreffendheid, sakevertroue en infrastruktuurbestuur. Sy […]
# Eskom sê voortgesette verbeterings in energiebeskikbaarheid, sterker opwekkingsverrigting en minder onderbrekings dra by tot meer stelselbestendigheid in die land namate die winteraanvraag na elektrisiteit toeneem. Die woordvoerder, Daphne Mokwena, sê die gemiddelde onbeplande onderbrekings het dié week afgeneem tot tien-duisend-640-megawatt, ‘n beduidende daling van vier-duisend-622-megawatt vanaf die 15-duisend-262-megawatt in dieselfde tydperk verlede jaar. Sy […]
# Adjunkminister in die Presidensie, Kenny Morolong, sê elke ekonomiese hervorming en belegging wat die regering van nasionale eenheid onderneem, moet uiteindelik geleenthede vir die volgende generasie uitbrei. Morolong het gisteraand tydens die afsluiting van die 11de Groen Jeug Indaba in Sun City, Rustenburg, Noordwes gepraat. Hy beklemtoon die dringende behoefte om jeuginnovasie te omskep […]
# Statistiek Suid-Afrika sê siviele skuldsake toon gemengde neigings in die data vir April. Die aantal siviele dagvaardings wat vir skuld uitgereik is, het met 2,5-persent in die drie maande afgeneem in vergelyking met dieselfde tydperk verlede jaar. Siviele vonnisse vir skuld het egter met 3,6-persent toegeneem. Vhonani Kwinda van Statistiek SA sê dit dui […]
