# Die minister van Elektrisiteit en Energie, Kgosientsho Ramokgopa, het ‘n nuwe Artikel 34-bepaling aangekondig om bykomende elektrisiteitsopwekkings-vermoë tussen vanjaar en 2037 te ondersteun. Dit sluit wind-, son-, batterybergings- en gas-tot-krag-tegnologie in. Ramokgopa het in Pretoria gesê ‘n meerjarige verkrygingspyplyn sal groter sekerheid aan die mark bied. Hy het ook die staatsgeleide kragparke-program bekendgestel. Dis daarop gemik om struikelblokke vir opkomende ontwikkelaars te verminder, eienaarskap uit te brei en transmissie, berging en plaaslike ekonomiese ontwikkeling te ondersteun terwyl nuwe vermoë in die nasionale netwerk geïntegreer word.
Ramokgopa kondig nuwe elektrisiteitsopwekkingsplan aan