# Krieket: Sarah Taylor is die eerste vroue-afrigter van Engeland se senior manspan nadat sy as veldwerkghoeroe aangestel is vir volgende maand se reeks van drie toetse teen Nieu-Seeland. Die 36-jarige voormalige paaltjiewagter het 226 wedstryde in alle formate vir die nasionale vrouespan gespeel en was deel van die T20- en die eendag-Wêreldbeker-kampioenspan in 2009. […]
# President Cyril Ramaphosa het twee adjunk-nasionale direkteure van Openbare Vervolging aangestel. Advokaat Chuma Mtengwane is aangestel by die Batebeslagleggingseenheid, en advokaat Nicolette Astraid Bell by die Nasionale Vervolgingsdienste. Ramaphosa sê hierdie aanstellings is om te verseker die Nasionale Vervolgingsgesag bly doeltreffend in die stryd teen misdaad en om openbare vertroue te verseker.
# Vandag is die sperdatum vir openbare kommentaar op die Wetsontwerp op Verklikker-beskerming. Dit is gemik op die hervorming van die beskermings-raamwerk deur middel van strenger beveiliging, duideliker verslagdoening-prosedures en geldelike aansporing vir mense wat korrupsie ontbloot. Sommige burgerlike organisasies steun die wetgewing, maar die Organisasie teen Belastingmisbruik sê skuiwergate stel steeds verklikkers bloot. Open […]
# Die Verenigde Nasies se Kinderfonds, UNICEF, sê minstens 59 kinders is vermoedelik die afgelope week in Libanon dood of beseer. Die skietstilstand wat verlede maand aangekondig is, het nie daarin geslaag om die oorlog tussen Israel en Hizbollah te beëindig nie. Libanon se Openbare Gesondheidsnood-bedryfsentrum sê minstens 33 mense, insluitend vroue en kinders, is […]
# Die Gautengse Gesondheidsdepartement gryp in by die infrastruktuur, personeel en bedryf van die Dr Yusuf Dadoo-hospitaal. Die inrigting gaan gebuk onder stygende skuldvlakke, vervalle infrastruktuur en ernstige personeeltekorte wat groot druk plaas op gesondheidsdienste en pasiënte-sorg. Die hospitaal se skuld beloop volgens berigte meer as 18,4-miljoen-rand op die 2024/25-begroting. Die departement se woordvoerder, Steve […]
# Die Wes-Kaapse regering sê die N1 is heropen in die Kaapse Wynland na storm-ontwrigting, maar erge vertragings word steeds verwag omdat net een rigting op ‘n keer moontlik is. Woordvoerder Regan Thaw sê die padagentskap, SANRAL, het onverpoosd gewerk om die roete tussen Worcester en die Paarl toeganklik te maak. Verkeerbeheer is ingestel, met […]
# Die Stad Kaapstad sê sy elektrisiteitspanne het sedert Maandag op meer as ses-duisend diensversoeke reageer weens die dodelike storm wat die metro geteister het. Hulle het meer as 10-duisend-800 diensversoeke van reg oor die metro ontvang weens stormskade aan elektrisiteit-infrastruktuur. Die burgemeesterskomiteelid vir Energie, Xanthea Limberg, sê al is die storm verby, gee spanne […]
# Die African Transformation Movement verwelkom die aanstelling van ʼn ampsklagkomitee met 31 lede, maar waarsku dit moenie net nog ʼn versigtig uitgewerkte parlementêre vertoning wees nie. Die Konstitusionele Hof het onlangs beslis dat die Parlement se versuim om die Artikel 89-paneel se verslag te aanvaar dat president Cyril Ramaphosa moontlik sy ampseed oortree het, […]
