# ‘n Kanadese toeris is gisteraand in die Krugerwildtuin doodgeskiet. Die voorval het plaasgevind in ‘n piekniekgebied naby die Phabeni-hek wat deur ‘n privaat operateur bedryf word. SANParke se woordvoerder, JP Louw, sê ‘n privaat gids verbonde aan die operateur het na bewering per ongeluk ‘n vuurwapen afgevuur wat die 69-jarige gas noodlottig getref het. […]
# Gholf: Die Amerikaanse Gholfvereniging het die prysgeld van die Amerikaanse Ope tot meer as 365-miljoen-rand verhoog; dieselfde as dié van die Meesterstoernooi in April. Die wenner sal ʼn rekordbedrag van 73,5-miljoen-rand ontvang. Die 126ste Ope slaan vandag af op Shinnecock Hills in New York, met Jayden Schaper en Hennie du Plessis die enigste Suid-Afrikaners […]
# Die vakbond GIWUSA het kommer uitgespreek oor die jongste inflasiesyfers. Die koers het verlede maand tot 4,5-persent geklim teenoor vier-persent in April. Dis die hoogste jaarlikse koers sedert Julie 2024, toe inflasie 4,6-persent was. Die vakbond se president, Mametlwe Sebei, sê dit ontbloot die wrede logika van die Suid-Afrikaanse Reserwebank se monetêre beleid:
# Die vakverbond Cosatu betoog môre landwyd teen stygende lewenskoste. Hy sê werkers kan nie meer byhou nie en daar moet opgetree word voor dit te laat is. Woordvoerder Zanele Sabela sê die afgelope maande se verdubbeling van brandstofpryse en werkers wat meer as 40-persent van hul inkomste aan vervoer bestee, veroorsaak dat mense breekpunt […]
# Die Johannesburgse Metro-polisiedepartement sê daar is tans aansienlike padsluitings op William Nicol-rylaan in Roodepoort. Dit volg na ʼn ernstige kettingbotsing wat laasnag plaasgevind het. ʼn Woordvoerder, Xolani Fihla, sê William Nicol-bane in ʼn oostelike rigting tussen Constancia Boulevard en Joseph Lister-straat in die rigting van die N1 sal die grootste deel van die dag […]
# Die DA in Gauteng sê die onlangse geskil oor die risiko-toelaag aan lykshuis-assistente in die forensiese patologie-laboratoriums, moet ʼn wekroep vir die Gesondheidsdepartement wees. Woordvoerder Madeleine Hicklin sê POPCRU se staking van twee dae het onopgeloste kwessies ontbloot, soos swak werksomstandighede en die toelaag van 750-rand per maand vir personeel wat in gevaarlike en emosioneel-veeleisende […]
# Die regering sê hy maak bestendige vordering met die toepassing van leefstyloudits en sewe van die land se nege provinsies het vooruitgang gemaak. Nakoming van die leefstyloudit-program was 61-persent in 2023, maar staan tans op 93-persent wat agt-duisend-982 senior amptenare dek. Die regering sê in Gauteng word 37-persent rekeningkundige beamptes wat geoudit is as […]
# Die Stad Kaapstad se Energie-direktoraat het ʼn elektrifisering-projek in Langa se Special Quarters-nedersetting afgehandel. Die projek van 1,6-miljoen-rand verbind 159 huishoudings met die elektrisiteitsnetwerk. Die burgemeesterskomiteelid vir Energie, Xanthea Limberg, sê die bestaande elektrisiteitsnetwerk is opgegradeer en versterk om groter vraag te hanteer, terwyl infrastruktuur uitgebrei en toerusting vir elektrisiteitsverspreiding geïnstalleer is:
