# Die National Informal Traders Alliance of South Africa verwelkom president Cyril Ramaphosa se oproep tot kalmte, eenheid en bestendige wetstoepassing te midde van toenemende spanning binne gemeenskappe. Die informele handelaarsliggaam waarsku groeiende openbare frustrasie mag nie toegelaat moet word om xenofobie, vigilante gedrag of geweld aan te wakker nie. Hulle doen ‘n beroep op […]
# Die VF Plus vra ‘n ondersoek na ‘n beweerde e-posboodskap wat verband hou met die Departement van Landbou oor bek-en-klouseer. Die e-pos, wat blykbaar net ‘n grap was, maar wyd gedeel is op sosiale media, is glo deur ‘n senior amptenaar aan bestuurders van die departement gestuur. Wynand Boshoff van die party sê die […]
# Die Madlanga-kommissie bevraagteken die rol van senior polisiebeamptes in die Aeroton-dwelmklopjag ter waarde van meer as 300-miljoen-rand. Kommissaris Sandile Khumalo bevraagteken of SAPD-generaal-majoor Feroz Khan se teenwoordigheid op die toneel inmenging was. Die senior ondersoeker en assistent-direkteur van die Onafhanklike Polisie-ondersoekdirektoraat, Takalani Maphosho, sê opdragte wat na bewering gegee is, kon verdere soektogte ontwrig […]
# Een persoon is dood en ‘n ander beseer in ‘n ernstige botsing tussen ‘n dieseltenkwa en ‘n ligte motorvoertuig op die R59 tussen Sasolburg en Parys in die Vrystaat. Die tenkwa het in vlamme uitgebars, en ‘n reuse-noodreaksie-poging tot gevolg gehad. Nooddienste het vinnig die brand geblus en die beseerde insittende hospitaal toe vervoer. […]
# Die minister van Landbou, John Steenhuisen, en sy Italiaanse ampsgenoot, Francesco Lollobrigida, het ‘n ooreenkoms van verstandhouding onderteken om samewerking in landbou, landbouverwerking, vernuwing en marktoegang te versterk. Die ooreenkoms is in Kaapstad onderteken tydens die eerste Suid-Afrika–Italië Landbou-sakeforum. Steenhuisen sê die vennootskap het ten doel om handel, belegging en waardetoegevoegde landbouvennootskappe tussen die […]
# Tennis: Die gewese Switserse meester Roger Federer se deelname is bevestig aan ‘n vertoongeleentheid voor die Amerikaanse Ope. Hy sluit aan by die Amerikaners Andre Agassi, Andy Roddick en John McEnroe op die Arthur Ashe-stadion op Flushing Meadows op 25 Augustus. Die 44-jarige Federer het vyf van sy 20 Grand Slam-titels in New York […]
# Suid-Afrika se ekonomie het volgens Statistiek Suid-Afrika in die eerste kwartaal met 0,5-persent gegroei, effens beter as wat verwag is. Hoofdirekteur Bokang Vumbukani-Lepolesa sê dis aangevuur deur die dienste- en basiese sektore, met finansies en landbou wat beduidend bygedra het. Vervaardiging het egter die algehele prestasie beïnvloed, met vyf van sy tien afdelings wat […]
# Big 5 Construction South Africa en die Suid-Afrikaanse Infrastruktuur-uitstalling in die Gallagher-konvensiesentrum in Johannesburg bring sleutel-belanghebbendes in die boubedryf, infrastruktuur en vervoer bymekaar. Die driedaagse uitstalling is ‘n belangrike boubedryf- en infrastruktuur-handelsgeleentheid wat fokus op infrastruktuurlewering, belegging, vernuwing en digitale hervorming. Die organiseerders sê die geleenthede sal samewerking tussen die regering, die bedryf en beleggers […]
