# Die Departement van Handel, Nywerheid en Mededinging, in vennootskap met die Suid-Afrikaanse Kamer van Koophandel en Nywerheid en die Britse Hoë Kommissariaat, bied vandag ‘n seminaar in Johannesburg aan. Die geleentheid wil bewustheid versterk oor die ekonomiese vennootskap tussen lidlande van die Suider-Afrikaanse Doeaneunie en Mosambiek met die Verenigde Koninkryk. Die ooreenkoms waarvan Suid-Afrika, Botswana, Lesotho, Namibië, Eswatini en Mosambiek deel is, het ten doel om marktoegang te verhoog en handelsversperrings te verwyder. Ondernemings sal leiding ontvang oor regulasies rakende uitvoere, befondsing en geleenthede in die landbou- en motorsektor.
Seminaar beklemtoon handelsooreenkoms tussen Brittanje en Suider-Afrika