# Die Vergelegen-wynlandgoed in Somerset-Wes het hierdie seisoen 137 Nguni-kalwers verwelkom, met ‘n verdere agt wat nog verwag word. Die kudde bestaan nou uit meer as 450 diere. Die nuwe aanwinste sluit suiwer Nguni’s en Nguni/Angus-kruisings in. Die kruisings toon indrukwekkende groei danksy hul Angus-afkoms. Vergelegen het Angus-beeste in 2024 by sy teelprogram ingesluit om die voordele van die Nguni- en Angus-rasse saam te voeg. Die woordvoerder, Judy Bryant, sê Nguni-beeste is in 2001 op die landgoed bekendgestel. Sy sê die ras word hoog aangeslaan vir sy kenmerkende bont voorkoms en sy gehardheid in moeilike omstandighede.
Vergelegen-wynlandgoed vier uitsonderlike kalfseisoen met 137 Nguni-kalwers