Afrika se mees gevreesde slang kan besoedeling help opspoor

# Die vinnigste en mees gevreesde slang in Afrika, die swart mamba, kan ‘n sleutelrol speel om besoedeling op te spoor en terselfdertyd die ekostelsel gesond hou. Dis bevind in nuwe navorsing aan die Universiteit van die Witwatersrand. Die studie is gedoen met slange wat in Durban en KwaZulu-Natal gevang is. Daar is bevind dat swaar metale, soos lood, arseen, kadmium en kwik in die skubbe van swart mambas versamel. Die leier van die navorsingspan, professor Marc Humphries, sê hulle het ‘n duidelike verbintenis tussen grondgebruik en die blootstelling aan swaar metale in die slange gevind.