# Absa in Mauritius beplan om die befondsing vir groen projekte teen 2030 byna te verviervoudig om die eiland-nasie se doelwitte vir die vermindering van uitstralings te ondersteun. Moneyweb berig die eenheid van die Absa Groep, wat volgens bates die derde grootste bank in Suid-Afrika is, wil groen lenings tot 6,2-miljard-rand verhoog vanaf 1,65-miljard-rand aan die einde van verlede jaar. Mauritius het ‘n uitdagende teiken gestel om teen 2030 kweekhuisgasuitstralings met 40-persent te verminder om aardverwarming te beperk. Toenemende gevalle van oorstromings, droogte en koraalbleiking bedreig die seelewe sowel as die noodsaaklike toerismebedryf.
Absa in Mauritius beplan om befondsing vir groen projekte teen 2030 te verviervoudig