# Die Coca-Cola-maatskappy gaan ‘n weergawe van sy kenmerkende drankie bekendstel wat met Amerikaanse rietsuiker gemaak is na druk van president Donald Trump. Die Amerikaanse weergawe word gewoonlik met mieliestroop versoet, terwyl rietsuiker in ander lande, insluitend Mexiko, gebruik word. Dit is die “Mexikaanse Coke” wat Trump verkies, en hy het Coca-Cola aangemoedig om die rietsuiker-weergawe plaaslik bekend te stel. Sy voorliefde vir veral Dieët Coke is welbekend. Daar is selfs ‘n rooi knoppie in die Ovaalkantoor om ‘n koue blikkie te ontbied die oomblik dat hy daarna voel.
Coca-Cola gaan nuwe weergawe bekendstel na druk van Trump