# Die speelgoedvervaardiger Mattel het sy eerste Barbie-pop met tipe 1-diabetes bekendgestel om insluiting en empatie onder kinders te bevorder. Die nuwe pop dra ʼn klein toestel wat haar bloedsuiker voortdurend meet. Sy het ʼn foon met ʼn toepassing wat haar help om haar bloedsuikervlakke te monitor en ʼn klein, draagbare insulienpomp wat outomaties ʼn dosis toedien indien nodig. Die pop dra ʼn blou kolletjieshempie met ‘n bypassende romp wat deur wêreldwye diabetesbewustheidsimbole geïnspireer is.
Speelgoedvervaardiger Mattel stel Barbie met tipe 1-diabetes bekend