# President Cyril Ramaphosa sê Suid-Afrika se Billike Energie-oordrag kry momentum, met skoon energie-beleggings wat bevorder word vanuit die buiteland en deur plaaslike firmas. Volgens Statistiek Suid-Afrika het hernubare energie in 2016 slegs twee-persent van plaaslik opgewekte elektrisiteit uitgemaak. Hierdie syfer het in 2024 tot nege-persent gestyg. By vanjaar se Suid-Afrikaanse Beleggingskonferensie is meer as 50-miljard-rand in groen-energie-beleggingsbeloftes aangekondig. In sy weeklikse nuusbrief sê Ramaphosa die lok van beleggings in skoon energie is belangrik vir die land se klimaatsvoornemens, inklusiewe ekonomiese groei en werkskepping.
Ramaphosa sê toenemende beleggings in hernubare energie skep nuwe geleenthede