# Die Suid-Afrikaanse realiteitstelevisiester Peet Viljoen is Dinsdagaand op die OR Tambo Internasionale Lughawe gearresteer nadat hy uit Newark, New Jersey, in die land aangekom het. Sy inhegtenisneming hou glo verband met bewerings van bedrog, diefstal en korrupsie so ver terug as 2010. Viljoen is uit die VSA gedeporteer na ongeveer 100 dae in aanhouding. Hy en sy vrou, Mel, ‘n voormalige Real Housewives of Pretoria-ster, is in Maart in Florida in hegtenis geneem vir die beweerde diefstal van kruideniersware uit ‘n supermark ter waarde van ongeveer 88-duisend-rand. Mel het in Mei na die land teruggekeer.
Peet Viljoen gearresteer kort na aankoms by OR Tambo-lughawe