Nersa keur Cape Ocean Terminals se lisensie vir petroleumberging en -pyplyn in Saldanha goed

# Die energiereguleerder, Nersa, het Cape Ocean Terminals se aansoek vir ‘n lisensie goedgekeur om ‘n petroleumbergingsaanleg en pyplyn in Saldanha, in die Wes-Kaap, te bou. Die ontwikkeling, bekend as Projek Albatros, sal in fases bekendgestel word, met ‘n algehele potensiële kapasiteit van 390-duisend kubieke meter brandstof. Charles Hlebela van Nersa sê die projek sal infrastruktuurbelegging ‘n hupstoot gee en plaaslike ekonomiese ontwikkeling ondersteun.