# Veldbrande in Indonesië het ʼn rokerige dynserigheid veroorsaak wat daartoe gelei het dat talle skole in die buurland Maleisië vandag gesluit is. Die minister van Onderwys, Fadhlina Sidek, het die aankondiging op sosiale media gedoen nadat 37 gebiede ongesonde lugbesoedelingsvlakke aangemeld het. Eerste minister Anwar Ibrahim sê Indonesië se president, Prabowo Subianto, het ingestem om die nodige stappe te doen om die dynserigheid te bekamp, terwyl Maleisië hulp aangebied het. Hy vra ook ʼn vergadering van die Suidoos-Asiese groepering ASEAN se ministers om ʼn streeksreaksie te koördineer.
Maleisiese skole sluit weens bosbrande in Indonesië