# Die Konstitusionele Hof het die voormalige SA Rugby-hoof, Jurie Roux, se aansoek om verlof om appèl aan te teken in ‘n regsgeskil met die Universiteit van Stellenbosch van die hand gewys. Hy sal nou 37-miljoen-rand plus rente moet terugbetaal. ‘n Arbirtrasie-bepaling in 2020 het gevind dat Roux die universiteit se fondse tussen 2002 en 2010 misbruik het, ‘n beslissing wat in 2021 in appèl gehandhaaf is. Die Wes-Kaapse Hooggeregshof het hom beveel om die geld terug te betaal en ‘n aansoek by die Appèlhof in Bloemfontein het ook misluk. A KPMG-ondersoek het gewys dat Roux en ‘n kollega ongemagtigde oorplasings uit universiteitsfondse gemaak het.
Hof wys Jurie Roux se laaste appèl van die hand en laat hom met ‘n terugbetaling van R37-miljoen met rente