# Dieselpryse kan volgende maand met tot 94-sent-per-liter daal, wat dit moontlik die laagste vlakke in drie jaar sal laat bereik. Die Sentrale Energiefonds sê die verwagte daling kan toegeskryf word aan dalende wêreld-oliepryse en die rand wat sedert middel April met meer as tien-persent versterk het. Daar word verwag dat die prys tussen 74- en 94-sent-per-liter sal daal, wat beduidende verligting vir die vrag- en die landbousektor sal bring. Die fonds het egter gewaarsku dat skommelinge in oliepryse en wisselkoerse die finale aanpassing kan beïnvloed.
Dieselpryse kan in Junie moontlik daal tot die laagste vlak in drie jaar