# ‘n Bosbrand wat oornag op Griekeland se grootste eiland, Kreta, uitgebreek het, het gelei tot die ontruiming van toeriste en inwoners aan die suidkus. Brandbestryders het deur die nag geveg teen die vinnig-verspreidende brand. Sommige mense is vir asemhalingsprobleme behandel, maar daar was geen onmiddellike berigte van ernstiger beserings nie. Die owerhede sê minstens een-duisend-500 mense is ontruim en na tydelike skuilings geneem. Griekeland word dikwels deur veldbrande getref gedurende die warm, droë somers. Die jongste brand het onstaan terwyl Europa deur ‘n ernstige hittegolf geteister word.
Bosbrand op Griekse eiland Kreta lei tot ontruimings