# Die uitbreking van bek-en-klouseer kan Namibië se ekonomie vanjaar en volgende jaar sowat 1,8-miljard-rand kos. Volgens Simonis Storm Research kan ekonomiese groei vanjaar tot ongeveer twee-persent daal, met die landwye verbod op die vervoer van lewende hawe as die belangrikste faktor. Uitvoere ter waarde van sowat 1,5-miljard-rand kan vanjaar verlore gaan, terwyl ongeveer 12-duisend werkjare geraak kan word. Die navorsing dui aan die uitvoere van hoëgehalte-beesvleis na die Europese Unie, Brittanje en Noorweë is besonder kwesbaar.
Bek-en-klouseer-uitbreking kan Namibië R1,8-miljard kos