# Die Universiteit van die Wes-Kaap het sy ondersteuning beloof vir ‘n nagraadse student, Hajar Kagiso Al-Tha’irah Ahjum-Mathee, wat deel was van die Global Sumud Flotilla wat humanitêre hulp aan Gaza wou lewer. Die vaartuig is vroeër vandeesweek deur Israeliese magte in die Middellandse See onderskep. Hajar, wat ‘n meestersgraad in mediese biowetenskap volg en die voorsitter van die universiteit se Palestynse Solidariteitsvereniging is, het sterk steun van die instelling ontvang. Die universiteit het by internasionale oproepe aangesluit vir die veilige en onmiddellike vrylating van alle aangehoudendes.