# Die Verenigde Nasies se sekretaris-generaal, António Guterres, het kommer uitgespreek oor xenofobiese aanvalle en voorvalle van teistering en intimidasie teen migrante en buitelanders in KwaZulu‑Natal en die Oos-Kaap. Onlangse betogings teen immigrante deur groepe soos die March en March Movement het gewelddadig geraak. Guterres sê mense wat geweld aanhits en maatskaplik-ekonomiese toestande uitbuit, moet aanspreeklik gehou word. Hy sê geweld, boendoe-geregtigheid en alle vorme van aanhitsing tot haat het geen plek in ʼn inklusiewe, demokratiese samelewing wat regeer word deur die oppergesag van die reg en respek vir menseregte nie.
VN-hoof is bekommerd oor onlangse xenofobiese aanvalle in Suid-Afrika