# Die lugvaarttegnologiemaatskappy, SITA, doen ‘n beroep op die lugvaartbedryf om digitale ID-stelsels uit te brei vir makliker en veiliger reis. Senior vise-president, Jeremy Springall, waarsku gefragmenteerde implementasie sal verhoed dat stelsels ten volle benut word. Springall beklemtoon dat biometriese verifiëring en digitale voorafgoedkeuring vertragings kan verminder, sekerheid kan verbeter en doeltreffendheid kan verhoog. SITA-navorsing dui aan dat 68-persent van passasiers bereid is om vir biometriese dienste te betaal. Hy doen ‘n beroep vir samewerking dwarsdeur die bedryf om inter-operasionaliteit en privaatheid te verseker.
SITA vra vir wêreldgebruik van digitale ID in lugvervoer