# Die Parlement se portefeuljekomitee oor Internasionale Betrekkinge en Samewerking sê die onttrekking van Suid-Afrika se voordele kragtens die Wet op Groei en Geleenthede in Afrika is ‘n kommerwekkende ontwikkeling vir handel, indiensneming en bilaterale betrekkinge. In 2025 was ongeveer 89-persent van Suid-Afrikaanse uitvoere na die VSA onder gewone Wêreldhandelsorganisasie se mees-begunstigde nasie-voorwaardes, terwyl slegs ongeveer tien-persent AGOA-uitvoere was. In 2024 was dit nog 28-persent. Die komiteevoorsitter Supra Mahumapelo sê die ontwikkeling versterk die belangrikheid van die diversifisering van uitvoermarkte, die verdieping van streekshandel en die versterking van verhoudings met ‘n wye reeks vennote.
Parlement bekommerd oor VSA se onttrekking van AGOA-handelsvoordele