# Die Stad Johannesburg sê die rehabilitasieprojek vir Lilian Ngoyistraat wat 192-miljoen-rand beloop, is meer as 75-persent voltooi en steeds op koers vir heropening in Oktober 2026. Die burgemeester Dada Morero sê die vervoerkorridor van 1,8-kilometer het uitgebreide ondergrondse infrastruktuurwerk vereis ná die metaangasontploffing in 2023. Ingenieurs het tot vyf meter diep uitgegrawe om die fondasie te herbou en water-, elektrisiteit- en ander dienste te installeer. Die Johannesburgse Padagentskap sê die groot werk behoort voor die heropening in Oktober voltooi te wees.
Stad Johannesburg bevestig heropening van Lilian Ngoyi-straat verloop volgens plan