# Die Wêreldgesondheidsorganisasie het die half-jaarlikse inspuiting, lenacapavir, vir die voorkoming van MIV/Vigs onderskryf. Die nuwe riglyne is bekendgestel op die Internasionale MIV-vereniging se MIV-wetenskapskonferensie in Kigali, Rwanda. Die WGO se direkteur-generaal, Tedros Ghebreyesus, sê die medikasie kan toegang verander vir kwesbare bevolkings wat te kampe het met stigmatisering of uitdagings met nakoming. Hy sê dis ’n langwerkende antiretrovirale middel wat bewys is om die meeste MIV-besmettings te voorkom. Die WGO onderneem om met lande saam te werk om die vinnige en veilige verspreiding van die middel te verseker.
WGO onderskryf lenacapavir vir MIV/Vigs-voorkoming in grensverskuiwende stap