# Die VN-organisasie vir Handel en Ontwikkeling sê Afrika was die enigste ontwikkelende vasteland wat ‘n handelstoename in die eerste helfte van 2025 getoon het. Uitvoere het met vyf-persent gestyg en binne-Afrika handel het met 16-persent opgeskiet. Daarenteen het wêreldwye suid-tot-suid, wat handel tussen ontwikkelende lande is, dieselfde gebly en invoere het met twee-persent gedaal. Wêreldwye handel het met 5,3-duisend-miljard-rand gestyg, hoofsaaklik aangedryf deur ontwikkelde lande, insluitende ‘n 14-persent oplewing in Amerikaanse invoere. Die organisasie waarsku oor handelsfragmentering weens heffings en vra vir duidelikheid oor beleid om brose handelsveerkragtigheid te behou.
VN-organisasie vir Handel en Ontwikkeling sê Afrika loop voor in handelsgroei vir ontwikkelende vastelande