# Suid-Afrikaanse motoriste kan Woensdag verligting by die pompe verwag. Volgens die jongste beskikbare vooruitskattings kan die prys van petrol met sowat 23-sent per liter daal en diesel met tot een-rand-70-sent per liter. Die verwagte dalings volg nadat die regering besluit het om die algemene brandstofheffing tydelik te verlaag as deel van die maatreëls wat die minister van Finansies, Enoch Godongwana, in sy mini-begroting aangekondig het. Die verlaging het ten doel om die uitwerking van stygende brandstofkoste te versag en druk op motoriste te verlig.
Verligting wink vir motoriste by brandstofpompe hierdie week