# Twee helikopters wat brande noordwes van Athene in Griekeland bestry het, het in die lug gebots. Twee bemanningslede, ʼn Deense vlieënier en Griekse brandweer-skakelbeampte, is in die voorval dood. ʼn Britse vlieënier en Griekse bemanningslid het die botsing oorleef. Personeel van verskeie Europese nasies staan Griekeland, Frankryk, Spanje en Portugal by terwyl veldbrande sedert middel-Julie in dié lande woed. Honderde duisende mense moes hul huise ontruim. Die Griekse eerste minister, Kyriakos Mitsotakis, sê die regering het meer as ooit belê in hulpbronne om die veldbrande te takel.
Twee sterf toe brandbestrydingshelikopters in Griekeland bots