# Die Amerikaanse president Donald Trump het tariewe van 25-persent aangekondig op invoere uit Indië en het verder ‘n ongespesifiseerde “boete” aangekondig oor Nieu-Delhi se aankope van Russiese wapens en energie. Trump het in ‘n plasing op sy Truth platform gesê hierdie maatreëls sal Vrydag in werking tree. Hy het bygevoeg dat Indië nog altyd ‘n oorgrote meerderheid van hul militêre toerusting uit Rusland gekoop het, en is, tesame met China, die grootste kopers van energie van Rusland in ‘n tyd wanneer almal wil hê Rusland moet die oorlog in Oekraïne beëindig.
Trump kondig 25%-tarief aan op invoere uit Indië en ‘boete’ vir aankoop van wapens en energie uit Rusland