# Die Gautengse metro Ekurhuleni sê sy algehele uitstaande krediteure-balans was einde Mei sowat agt-miljard-rand. Ongeveer 50-persent het verband gehou met fakture wat nog nie hul betaaldatum bereik het nie. Die metro het egter slegs twee-miljard-rand in sy bankrekening. Ekurhuleni skuld Eskom 5,7-miljard-rand, Rand Water 555-miljoen-rand, provinsiale regeringsdepartemente 293-miljoen-rand en kontrakteurs 669-miljoen-rand. Die stad sê hy gaan voort om inkomste-invordering en kredietbeheer-maatreëls te verbeter om kontantvloei te versterk en geleidelik uitstaande krediteure-balanse te verminder.
Stad Ekurhuleni werk daaraan om finansiële volhoubaarheid te versterk