# Die Mexikaanse president Claudia Sheinbaum sê sy sal later vandag die Wêreldbeker-eindstryd saam met die Kanadese premier Mark Carney bywoon, op uitnodiging van president Donald Trump. Sy sê dit is belangrik dat die gasheerlande betrokke is, as ‘n teken van die sterk koördinering en samewerking tussen hulle. Sheinbaum het vroeër gesê sy sal geen wedstryd bywoon nie in solidariteit met gewone Mexikane wat nie kaartjies kan bekostig nie. Die teenwoordigheid van Sheinbaum en Carney kom terwyl Mexiko en Kanada Trump probeer oortuig om die trilaterale Noord-Amerikaanse handelsooreenkoms te verleng.
Sheinbaum van Mexiko gaan Wêreldbeker-eindstryd op Trump se uitnodiging bywoon