# Die SAKP pak sy alliansievennoot, die ANC, vandag in ‘n hewig betwiste tussenverkiesing in Wyk 13 in Polokwane, Limpopo. Dit is die SAKP se eerste onafhanklike verkiesing sedert hy sy verkiesingsbande met die ANC in 2024 verbreek het. Die SAKP-kandidaat, Obed Thabana, het die swak dienslewering gekritiseer, en Reuben Madadzhe van die ANC het kiesers aangespoor om die party nog ‘n kans te gee. Die setel is vakant nadat Mafiwa Leballo van die EFF uit die party geskop is. Die EFF-leier Julius Malema sal na verwagting in sy tuiswyk stem.
SAKP pak ANC aan in geskiedkundige tussenverkiesing in Polokwane