SA Raad vir Balju’s veroordeel geteikende aanvalle op balju’s

# Die Suid-Afrikaanse Raad vir Balju’s doen ʼn beroep op die ministers van Justisie en Grondwetlike Ontwikkeling, en Polisie om ondersoek in te stel na aanvalle op balju’s in die land. ʼn Balju van die hof in Mpumalanga, Andrew Shabalala, is verlede week buite sy kantoor doodgeskiet. In Februarie is die waarnemende balju in Giyani, Limpopo, Thapelo Mojapelo, vermoor terwyl hy aan diens was. Die raad sê die toename in hierdie geweld is onaanvaarbaar en mag nie voortgaan nie. Hy sê hy sal dringend maatreëls oorweeg om die veiligheid en sekerheid van balju’s te verseker.