# Nog ellende wag Woensdag op Suid-Afrikaners by die brandstofpompe. Die minister van Minerale en Petroleumbronne, Gwede Mantashe, het reuse-verhogings aangekondig wat môre om middernag in werking tree, aangevuur deur hoër internasionale oliepryse, ontwrigting in voorsiening en geopolitieke spanning wat ru-oliemarkte beïnvloed. Petrolpryse sal met drie-rand-27-sent per liter styg en diesel met ses-rand-19-sent per liter. Lampolie en Vloeibare petroleumgas sal ook beduidend duurder word. Mantashe sê ondanks brandstofheffing-verligtingsmaatreëls, laat internasionale kostedruk steeds plaaslike brandstofpryse opgaan.
Reuse-brandstofprysverhogings bevestig vanaf Woensdag