# Die parlementêre portefeuljekomitees oor die Polisie en Justisie en Grondwetlike Ontwikkeling het ‘n konsepverslag aanvaar oor die versoek om bewerings deur die KwaZulu-Natalse polisiekommissaris, Nhlanhla Mkhwanazi, te ondersoek. Die verslag beveel aan dat die Nasionale Vergadering ‘n ad hoc-komitee stig om na die bewerings te kyk. Mkhwanazi het bewerings gemaak van korrupsie, politieke inmenging en wanpraktyke, spesifiek teen die minister van Polisie, Senzo Mchunu. Die komitees sê gegewe die erns van die aangeleentheid, sal ‘n gefokusde, veelparty-ad hoc-komitee ‘n deursigtige, deeglike en billike proses verseker.
Parlementêre komitees aanvaar ‘n verslag oor ‘n ad hoc-komitee om Mkhwanazi se bewerings te ondersoek