# Die raad van die Onafhanklike Ontwikkelingstrust gaan vergader oor bewerings van omkopery teen die geskorste uitvoerende hoof, Tebogo Malaka, en woordvoerder Phasha Makgolane. Dit volg op beeldmateriaal wat die ondersoekende joernalis van Daily Maverick, Pieter-Louis Myburgh, vrygestel het wat na bewering vir Malaka en Makgolane uitbeeld wat hom 60-duisend-rand kontant aanbied om ‘n korrupsie-ondersoek te laat vaar. Malaka is reeds geskors oor ‘n omstrede suurstofaanleg-tender van 836-miljoen-rand. Die raad sê hy bly verbonde aan deursigtigheid en sal ‘n volledige antwoord uitreik na sy ondersoek.
Ontwikkelingstrust se raad gaan omkoopbeskuldigings teen hoof en woordvoerder ondersoek