# Die Nasionale Tesourie sê sy bedrywighede is nie geraak na ‘n kuberinbraak op die webwerf van sy infrastruktuur-verslagmodel nie. Die Tesourie sê die betrokke rekenaarbedieners is afgesluit om die omvang van die inbraak te bepaal. Hy werk saam met Microsoft om die potensiële swakhede binne die Inligtings- en Kommunikasietegnologie-omgewing teen te werk. Die Tesourie sê ook dat sy rekenaarstelsels bykans vyf-duisend-800 daaglikse aanvalle ervaar. Hy beklemtoon sy verbintenis tot kubersekerheid en die beskerming van kritieke infrastruktuurdata.
Nasionale Tesourie stelsels nie deur kuberinbraak geraak nie