# Die nuutgestigte politieke beweging, MOVE SA, sê meer as 300 Suid-Afrikaners het na vore gekom, net meer as 30 dae nadat die party gestig is, om munisipale setels onder sy vaandel te betwis. Die president van die party, Rali Mampeule, sê MOVE SA sal in Johannesburg, Ekurhuleni en Emfuleni aan die 2026-plaaslike regeringsverkiesing deelneem. Die kandidate het ‘n induksieprogram in Diepsloot ondergaan te midde van verskerpte voorbereidings. Mampeule sê die party fokus op gemeenskapsgebaseerde leierskap, wat jong en ervare kandidate bymekaarbring om praktiese oplossings te lewer. Die party word amptelik Sondag bekendgestel.
MOVE SA lok meer as 300 raadslidkandidate voor verkiesing