# Die minister van Vervoer, Barbara Creecy, sê die loonooreenkoms wat die Passasierspooragentskap van Suid-Afrika met sy twee grootste vakbonde, Satawu en Untu, onderteken het, is afdwingbaar. Dit volg nadat Prasa as gevolg van finansiële beperkings geweier het om te voldoen aan ‘n ondertekende ooreenkoms van ‘n loonverhoging van 5,5 persent. Die ooreenkoms tree teen die einde van hierdie maand in werking. Beide vakbonde dreig met regstappe. Creecy het aan Business Day gesê die probleem is Prasa se bedryfstekort, dus moet hierdie saak moontlik deur die howe besleg word.