# Agt leerders van Milnerton High School wat verbind word aan ‘n boelie-voorval, het in die Kaapstadse Landdroshof verskyn op aanklag van aanranding met die doel om ernstig te beseer. Twee minderjariges is in die Jeughof op waarskuwing vrygelaat. Borgtog van twee-duisend-rand elk is aan die ander ses toegestaan onder streng voorwaardes, insluitend geen kontak met klaers of getuies nie, en hulle is verbied op die skoolterrein. Eric Ntabazalila van die Nasionale Vervolgingsgesag sê die saak is uitgestel tot 20 Januarie sodat hulle eksamen kan skryf. Hul identiteite word beskerm.
Milnerton High-leerders kry borgtog in boeliesaak