# Kaapstad het ‘n rekordhoogtepunt in werksgeleenthede bereik, met meer as 1,8-miljoen mense wat tans werkend is, ‘n toename van 86-duisend poste binne ‘n jaar. Statistieke SA se Arbeidsmagopname vir Januarie tot Maart dui aan die stad spog ook met die laagste uitgebreide werkloosheidsyfer in Suid-Afrika. Die burgemeester, Geordin Hill-Lewis, skryf die sukses aan geteikende beleggings en infrastruktuurplanne toe, wat na verwagting 130-duisend meer werksgeleenthede sal skep. Hy het ook gesê Kaapstad se arbeidsmagdeelnamekoers staan tans op 74,6-persent.
Kaapstad bereik rekordhoogtepunt in werksgeleenthede, het binne ‘n jaar 86 000 bygevoeg