# Iranse amptenare het ‘n polisiebevel van 2019 wat die stap van honde in die hoofstad Teheran verbied, uitgebrei na ten minste 18 ander stede. Owerhede verwys na openbare orde en gesondheids- en veiligheidskwessies. Honde-eienaarskap, die oortreding van Iran se verpligte hijab-wette, die bywoon van ondergrondse partytjies en drankgebruik is lank reeds vorms van ‘n stille rebellie teen Iran se teokratiese regime. Honde-eienaarskap neem egter toe, ondanks pogings om dit te ontmoedig, veral onder jongmense. Amptenare het gewaarsku regstappe sal gedoen word teen mense wat die nuwe reëls oortree.
Iran brei verbod uit op stap van honde