# Die Suid-Afrikaanse Inkomstediens sal vanaf Junie volgende jaar vereis dat alle buitelands-geregistreerde voertuie op sy Reisigerbestuurstelsel verklaar word voor dit die land binnekom of verlaat. Kommissaris Johnstone Makhubu sê dis daarop gemik om doeane-bedrywighede te vernuwe, grensveiligheid te versterk en die verwerking van reisigers te verbeter. Tydelike invoerpermitte sal vir ses maande geld en veelvuldige grensoorgange toelaat. Hy waarsku versuim om te voldoen of die verskaffing van vals inligting kan tot vertragings en handhawings-optrede lei. Amptenare sal reisigers bystaan wat nie hul verklarings aanlyn kan voltooi nie.
Inkomstediens stel nuwe voertuigverklaring-stelsel bekend