# Middelmaand-data van die Sentrale Energiefonds toon motoriste kan hoër brandstofpryse verwag in September. Die prys van 93-oktaan-petrol toon tans ‘n onderverhaling van 66-sent per liter, terwyl 95-oktaan-petrol met sowat 77-sent per liter kan styg. Dieselgebruikers kan die swaarste getref word, met stygings van tussen twee-rand-73 en twee-rand-90 per liter. Kenners sê die verhogings word aangevuur deur stygende internasionale oliepryse en voortdurende spanning in die Midde-Ooste, ondanks ‘n redelik bestendige rand teenoor die Amerikaanse dollar.
Motoriste moet gereed maak vir brandstofprysverhogings in September