# Die Universiteit van Fort Hare se kantoor vir geslags-verskeidenheid en voorkoming van geslagsgeweld het ‘n veldtog bekendgestel om bewustheid te skep oor die verband tussen drankmisbruik en geslagsgeweld. Die kantoor het verlede jaar ʼn basislyn-assessering oor die kwessie onder studente gedoen. Van die een-duisend studente wat betrek is, het 72-persent gesê hulle glo drankmisbruik dra by tot geslagsgeweld. Daarby het 25-persent gesê hulle het gevalle van geslagsgeweld gesien of ervaar waar alkohol ʼn bydraende faktor was.
Fort Hare stel veldtog bekend teen drankgebruik as oorsaak van geslagsgeweld