# Die Parlement se gesamentlike komitee oor Etiek en Ledebelange het aanbeveel dat die leier van die National Coloured Congress, Fadiel Adams, vir 15-dae geskors en met ‘n gedeelte van sy salaris beboet word. Die komitee sê Adams het die Parlement in oneer gebring met ‘n rassistiese, seksistiese en neerhalende video op Facebook. Volgens News24 het Adams daarin ‘n DA-lid aangeval wat beweer het dat hy ‘n bendelid se begrafnis bygewoon het, en Kaapstad se burgemeester, Geordin Hill-Lewis, daarvan beskuldig dat hy geweld aanhits. Die Nasionale Vergadering sal hieroor besluit.
Etiekkomitee beveel skorsing van 15 dae aan vir NCC-leier oor vulgêre uitbarsting op Facebook