EFF eis dat geskorste polisiekommissaris van Mpumalanga voor die Madlanga-kommissie verskyn

# Die EFF het sy kommer uitgespreek oor die aantygings deur die geskorste polisiekommissaris van Mpumalanga, Daphney Manamela. Sy het die nasionale polisiekommissaris, Fannie Masemola, en die gewese minister van Polisie, Bheki Cele, beskuldig van korrupsie, inmenging by ondersoeke en pogings om te verhoed at sy haar werk hervat. Die EFF sê hy is veral woedend oor haar uitsprake oor die moord op die dogter van die party se adjunkpresident, Godrich Gardee. Manamela beweer die ondersoek na Hillary Gardee se moord is opsetlik ontspoor. Die EFF eis dat Manamela voor die Madlanga-kommissie verskyn.