# Die Zimbabwiese polisie sê die dodetal ná verlede week se bootongeluk op die Karibameer het tot 80 gestyg nadat nog agt liggame gevind is. Die staatsbeheerde passasier-veerboot het omgeslaan in sterk wind. Die boot is goedgekeur vir 90 passasiers, maar was volgens berigte erg oorlaai, met tussen 120 tot 153 mense aan boord, insluitend jong kinders wat nie kaartjies gehad het nie. President Emmerson Mnangagwa het die tragedie amptelik tot ‘n ramptoestand verklaar, wat die staat in staat stel om meer humanitêre hulp en herstelhulpbronne te bekom.
Dodetal ná bootongeluk op Karibameer styg tot 80