# Die DA gaan die minister van Verdediging, Angie Motshekga, tydens ‘n vergadering van die Verdedigingskomitee ondervra oor die Suid-Afrikaanse Weermag se ongeorganiseerde onttrekking uit die Demokratiese Republiek die Kongo. Chris Hattingh van die party sê die onttrekking was sonder beplanning en deursigtigheid, en het troepe se lewens in gevaar gestel. M23-rebelle het na bewering Suid-Afrikaanse toerusting inspekteer, en in die afwesigheid van amptelike inligtingsessies, eis die DA antwoorde oor operasionele mislukkings, die veiligheid van soldate, en die status van militêre bates. Veertien soldate is in die konflik dood.
DA wil minister Motshekga ondervra oor SANW se chaotiese onttrekking uit DRK