# Brittanje se ekonomie het bo verwagting presteer in die tweede kwartaal, nadat dit die uitwerking van Amerikaanse tariewe en ‘n hoër sakebelasting moes absorbeer. Die bruto binnelandse produk het met 0,3-persent gegroei in die tydperk van April tot Junie, wat ontleders se voorspellings van 0,1-persent oortref het, nadat dit 0,7-persent in die eerste kwartaal bereik het. Die minister van Finansies, Rachel Reeves, sê die syfers is positief met ‘n sterk begin vir die jaar en voortgesette groei in die tweede kwartaal, maar daar moet meer gedoen word om ‘n ekonomie te lewer wat vir werkende mense werk.
Brittanje se ekonomie presteer bo verwagting in tweede kwartaal